Klimachallenge

D’Kanner solle bei dëser Aktivitéit erkennen, dass alles an der Natur mateneen vernetzt ass an dass all Agrëff an d’ökologescht Gläichgewiicht Konsequenzen huet. Wat bedeit de Klimawandel fir d’Natur an d’Mënschen? Kënne mir als eenzel Persoun dëst Gläichgewiicht positiv beaflossen? Wat huet mäin Iesse mam Klimawandel ze dinn? Firwat schwëmmt sou vill Plastik an eise Weltmierer? Dëst sinn e puer vu ville Froen, déi d’Kanner sech stellen. Mir probéieren op eng spilleresch Art a Weis Äntwerten ze fannen an Denkustéiss ze ginn.