Bildung fir nohalteg Entwécklung
Kuckt hei de Video « BNE – Bildung fir nohalteg Entwécklung: Verstoen, Verantwortung iwwerhuelen, Zukunft gestalten ». Wann d'Thema Iech interesséiert a wann Dir wëllt mei gewuer ginn, da klickt hei.
L’Éducation au développement durable (en all. « Bildung für nachhaltige Entwicklung », en angl. « Education for Sustainable Development ») représente un concept aussi vaste que complexe.
Trotzdeem ass dësen Ausdrock an de leschte Joren ëmmer méi präsent am Bildungs- a politeschen Diskurs ginn.
Wat genee ass Bildung fir nohalteg Entwécklung? Wat sinn d' Ziler? Op wat baséiert BNE ? Wéi verännert BNE d'Kultur vum Léieren a vum Ënnerrichten ?
Weider Videoen
Le SCRIPT a produit une série de vidéos sur l’Éducation au développement durable pour informer enseignants et éducateurs de ses objectifs, de ses contenus et de ses méthodes d’enseignement.
Kuckt hei den 2. Video aus dëser Serie : « Politesch Bildung: Demokratie léieren, matbestëmmen, Zesummeliewe gestalten ». Wann d'Thema Iech interesséiert a wann Dir wëllt mei gewuer ginn, da klickt hei.
COMING SOON:
Wat ass Bildung fir nohalteg Entwécklung?
Bildung fir nohalteg Entwécklung (BNE) ass net op d'Vermëttle vu Wëssen limitéiert : et ass e wichtegen Hiewel fir eng Welt, déi méi gerecht, fair an nohalteg ass, opzebauen. BNE huet zum Zil fir Bewosstsinn ze schaffen, Kompetenzen ze entwéckelen an Aktiounen ze encouragéieren.
D'Zil 4.7. vun den SDGs steet fir d'Ambitioun fir bis 2030 sécherzestellen, datt jiddereen dat néideg Wëssen an déi néideg Fäegkeeten huet, fir eng nohalteg Entwécklung ze fërderen, besonnesch duerch:
- nohaltege Liewensstiler
- Mënscherechter
- Gläichberechtegung vun de Geschlechter
- d'Kultur vum Fridden an der Gewaltlosegkeet
- global Biergerschaft
- d'Fërderung vun der kultureller Diversitéit an de Bäitrag vun der Kultur zur nohalteger Entwécklung.
Eng 360° Ausbildung fir jiddereen
BNE riicht sech un all Forme vu Bildung.
- Formal Bildung an de Grondschoulen a Lycéeën
- Non-formal Bildung an de Maisons Relais, Jugendzentren, Associatiounen, Weiderbildungscoursen, Workshoppen
- Informal Bildung am Alldag, duerch d'Bewosstsinn an d'Engagement vun allen Akteuren an der Gesellschaft
D'Ziler vun der BNE
BNE huet zum Zil :
- d'Verstoe vun der Komplexitéit vun der Welt an hiren ökologeschen, sozialen an ekonomeschen Dimensiounen
- d'Erlange vu Wëssen, Fäegkeeten a Wäerter fir verantwortungsvoll ze handelen
- d' Participatioun an den demokrateschen Engagement ze fërderen
BNE steet fir liewenslang Léieren.
Et baséiert op dräi Dynamiken:
- Erkennen & verstoen : eng systemesch, interdisziplinär a bewosst Approche zum Denken iwwer Ofhängegkeeten entwéckelen
- Reflektéieren : Informatioun strukturéieren, kritescht Denken op Basis vu Wäerter üben, e Standpunkt vertrieden an dëse kommunizéieren
- Handelen : Kreativitéit, Kooperatioun, Selbstvertrauen an d'Fäegkeet, Iddien a konkret Handlungen ëmzesetzen
Eng interdisziplinär an ergänzend Approche
Bildung fir nohalteg Entwécklung (BNE) baséiert op enger Villfalt vun Disziplinnen an Themen, fir ze hëllefen, grouss global Erausfuerderungen ze verstoen an drop ze reagéieren. BNE kann an all Beräicher vun der Schoul an an den Alldag integréiert ginn.
Dës Methoden ergänzen sech:
- Bildung iwwer global Biergerschaft
- Ëmwelt- a Klimabildung
- Natur- a Friddenserzéiung
- Bildung iwwer Mënscherechter an Demokratie
- Interkulturell a Gläichberechtegungsbildung
- Bildung iwwer d'Kreeslafwirtschaft
Léierziler vun der Bildung fir nohalteg Entwécklung
Bildung fir nohalteg Entwécklung (BNE) ass net op d'Vermëttle vu Wëssen limitéiert : BNE huet zum Zil fir, an enger komplexer Welt déi sech konstant verännert, d'Handlungsfäegkeet ze stäerken .
BNE mobiliséiert:
- vilfälteg interdisziplinär Approchen
- vilfälteg der Perspektiv
- e kritesch Nodenken iwwert Valeuren
- d'Entwécklung vunEmpathie a Solidaritéit
- Kooperatiouns - a Konfliktmanagementkompetenzen
D'Zil ass et dat d'Bierger a Biergerinne international Zesummenhäng vertsinn, systemesch driwwer nodenken an op eng verantwortungsvoll Manéier kënnen handelen.
GreenComp – Den europäesche Kompetenzkader fir Nohaltegkeet
GreenComp, publizéiert vun der Europäescher Kommissioun, ass e Schlësselkompetenzenrahmen fir Nohaltegkeet. En ass Deel vum Europäesche Green Deal an ziilt drop of, d'Léieren iwwer ökologesch Nohaltegkeet an allen edukative Kontexter ze fërderen: formell, non-formell an informell Bildung.
Dëse Kader proposéiert eng gemeinsam Visioun fir d'Integratioun vun Nohaltegkeetsfroen an d'Bildung, andeems transferabel Fäegkeeten entwéckelt ginn, déi fir all Bierger nëtzlech sinn, onofhängeg vun hirem Alter oder Hannergrond.
Déi véier Domainer vum GreenComp sinn :
- D'Wäerter vun der Nohaltegkeet verkierperen
→ Respekt, Verantwortung, Gerechtegkeet, Solidaritéit. - D'Komplexitéit vun der Nohaltegkeet verstoen
→ Systemescht Denken entwéckelen, Interaktiounen an Onsécherheeten erkennen. - Sech eng nohalteg Zukunft virstellen
→ Alternativen entdecken, Hoffnung an de Courage fir ze handelen fërderen. - Fir Nohaltegkeet handelen
→ Konkret Aktiounen iwwerhuelen, individuell a kollektiv.
Dir fannt de GreenComp hei op verschidde Sproochen.
Fir méi gewuer ze ginn: D'Geschicht vun der BNE